2017 වසරේ ජනවාරි මස පළමුවනදා සිට රෝහල්වලට ඇතුළත් වන රෝගීන්ගේ රුධිර පරීක්ෂණ පෞද්ගලික අංශයෙන් සිදුකළහොත් අදාළ රෝහලේ අධ්‍යක්ෂවරයාට එරෙහිව විනය ක්‍රියාමාර්ග ගන්නා බව සෞඛ්‍ය අමාත්‍ය රාජිත සේනාරත්න මහතා පවසයි.
ජනවාරි මස පළමුවනදා සිට රෝහල්වලට ඇතුළත් වන රෝගීන්ගේ රුධිර පරීක්ෂණ, රෝහල් මඟින් පමණක් සිදුකළ යුතු අතර එම පරීක්ෂණ පෞද්ගලික අංශයෙන් සිදු කිරීම තහනම් බව අමාත්‍යවරයා කියයි.
සියළුම රසායනාගාර පහසුකම් සහිත රෝහල්වලට රජය විසින් දෙසැම්බර් මස 31 වනදා වන විට රුධිර පරීක්ෂණ යන්ත්‍ර ලබාදෙන බව රාජිත සේනාරත්න අමාත්‍යවරයා පවසයි.
ඒ අනුව රෝහල්වලට ඇතුළත් වන රෝගීන්ගේ රුධිර පරීක්ෂණ පෞද්ගලික අංශයෙන් සිදු කිරීමේ සිද්ධීන් වාර්තා වුවහොත් අදාළ රෝහලේ අධ්‍යක්ෂවරයාට එරෙහිව විනය ක්‍රියාමාර්ග ගන්නා බව අමාත්‍යවරයා පවසයි.
මේ පිළිබඳ සඳහන් කරමින් ලබන මස මුල් සතියේදී රසායනාගාර පහසුකම් සහිත සියළුම රෝහල්වල අධ්‍යක්ෂවරුන්ට විශේෂ චක්‍රලේඛයක් නිකුත් කරන ලෙස තමා අමාත්‍යංශ ලේකම්වරයාට උපදෙස් ලබාදුන් බවද රාජිත සේනාරත්න අමාත්‍යවරයා වැඩිදුරටත් කියා සිටියි.