ශ්රී ලංකා නිදහස් පක්ෂයේ මහලේකම් ධුරයෙන් දයාසිරි ජයසේකර මහතා ඉවත්කර තිබේ.
ඊයේ (05) රාත්රියේ ඉවත් කිරීමට අදාළ ලිපිය තමාට ලැබුණු බව දයාසිරි ජයසේකර මන්ත්රීවරයා සඳහන් කරයි.
අදාළ ලිපියේ වැඩිදුරටත් සඳහන්ව ඇත්තේ, දයාසිරි ජයසේකර මහතාට එරෙහිව විනය පරීක්ෂණයක් පැවැත්වෙන බවය.
ඒ අනුව, ඉදිරි දින 14 ඇතුළත විනය කඩකිරීම සම්බන්ධයෙන් වන චෝදනා පත්රය එවීමට කටයුතු කරන බව ද පක්ෂ සභාපති, මෛත්රීපාල සිරිසේන මහතාගේ අත්සනින් යුතුව නිකුත් කර ඇති ලිපියේ වැඩිදුරටත් සඳහන්ය.
ඒ අනුව, ශ්රී ලංකා නිදහස් පක්ෂයේ නව මහ ලේකම්වරයා ලෙස එම පක්ෂයේ වැඩබලන ලේකම්වරයා ලෙස කටයුතු කළ සරත් ඒකනායක මහතා පත්කිරීමට නියමිත තිබේ.