වැඩිහිටි හා ආබාධ සහිත වූවන් හට රැකවරණ නිවාස තැනීම සදහා ප්‍රමාණවත් මුදල් රජයෙන් නොලැබෙන බව සමාජ සවිබලගැන්වීම් හා සුබසාධන අමාත්‍ය එස්.බී. දිසානායක මහතා පවසයි.
ජීවිතයේ සැදෑ සමයේ අසරණව වැඩිහිටි නිවාසවල ගතකරන වැඩිහිටියන්ගේ සංඛ්‍යාව දැනට 25.000ක් පමණ වුවත් ඒ සදහා ප්‍රමාණවත් පහසුකම් වැඩිහිටි නිවාසවල නොමැති බවද අමාත්‍යවරයා පෙන්වා දෙයි.
වැඩිහිටි සුබසාධන කටයුතු සදහා රජයෙන් ප්‍රමාණවත් අරමුදල් නොලැබෙන නිසා වැඩිහිටියන් සඳහා ගෙවනු ලබන රුපියල් 2000 ක වැඩිහිටි දීමනාවෙන් රුපියල් 100 ක් විශේෂ වැඩිහිටි සුබසාධන අරමුදලකට බැරකර, ඒ මගින් මෙම පහසුකම් දියුණු කළ යුතු බව ද අමාත්‍යවරයා සඳහන් කරයි.
පුවක්පිටිය ජයවිරු සෙවන රැකවරණ නිවාසයේ නව ගොඩනැගිල්ල විවෘත කිරීමේ උත්සවයට සහභාගි වෙමින් ඒ මහතා මේ බව සඳහන් කළේය.