කොවිඩ් නයිටීන් වෛරසය ආසාදනය වූ පුද්ගලයින් එය සැඟවීමට උත්සහ ගැනිම හේතුවෙන් කොවිඩ් රෝග පාලනයේදී හටගෙන ඇති ගැටලුකාරි තත්ත්වය මඟහරවා ගැනීම සඳහා උපායමාර්ගික සැලැස්මක් අවශ්‍ය බව රාජ්‍ය ඇමතිනී විශේෂඥ වෛද්‍ය සුදර්ශනී ප්‍රනාන්දුපුල්ලේ මහත්මිය පැවසුවාය.
ප්‍රාථමික සෞඛ්‍ය සේවා, වසංගත රෝග සහ කොවිඩ් රෝග පාලනය පිළිබඳ රාජ්‍ය අමාත්‍ය සුදර්ශනී ප්‍රනාන්දුපුල්ලේ මහත්මය අද (08)දින පැවති සාකච්ඡාවකදී සඳහන් කළේ කොවිඩ් නයින්ටීන් වෛරසය සමබන්ධයෙන් ජනතාව තුළ පවතින අනියත බිය දුරුකළ යුතු බවය.
වෛරසය ආසාදනය වූ පුද්ගලයින් ප්‍රතික්ෂේප කිරීමේ ප්‍රවනතාවයක් සමාජය තුළ පවතින බැවින් එම තත්ත්වය මඟහරවා ගැනීම සඳහා ජනතාව නිරන්තරයෙන් දැනුවත්කිරිමේ අවශ්‍යතාව ද රාජ්‍ය අමාත්‍යවරිය මෙහිදී පෙන්වාදී තිබුණි.