කොටුව මහේස්ත්‍රාත් අධිකරණය මගින් රක්ෂණ භාරයට පත් කරන ලද සැක අංක 932 තිලිණි ප්‍රියමාලි නැමති සැකකාරිය වැලිකඩ බන්ධනාගාර කාන්තා අංශයේ රක්ෂණ භාරයේ සිටියදී බන්ධනාගාර හදිසි ප්‍රතිචාර උපක්‍රමික බලකායේ නිළධාරිනියන් විසින් පසුගිය ඔක් (06) වන දින සැකකාරිය සන්තකයේ තිබි ජංගම දුරකථනයක් අත්අඩංගුවට ගන්නා ලදි.
ඒ අනුව, බන්ධනාගාර නීති රීති වලට යටත්ව නීති විරෝධී තහනම් ද්‍රව්‍යයක් වන ජංගම දුරකථනයක් සැකකාරිය සන්තකයේ තබා ගැනීම සම්බන්ධව චෝදනා නගා අද (13) දින ගරු කොළඹ අතිරේක දිසා විනිසුරු තුමා ප්‍රමුඛ බන්ධනාගාර විනිශ්චය මණ්ඩලය වෙත ඉදිරිපත් කිරීමට නියමිතව ඇත.
කොළඹ අතිරේක දිසා විනිසුරුතුමන් වැලිකඩ බන්ධනාගාරය වෙත පැමිණ බන්ධනාගාර විනිශ්චය මණ්ඩලය පවත්වයි.