පාර්ලිමේන්තුව විසුරුවා මහ මැතිවරණයකට දින නියම කිරීමට ජනාධිපතිවරයා කටයුතු කිරීම ව්‍යස්ථාවිරෝධී බව පවසමින් අද ශ්‍රේෂ්ඨාධිකරණය ඉදිරියේ ගොනුකළ පෙත්සම් විභාගය හෙට (12) දිනයට කල් දැමීමට ත්‍රිපුද්ගල ශ්‍රේෂ්ඨාධිකරණය අද තීරණය කළේය.
එක්සත් ජාතික පක්ෂය, දෙමළ ජාතික සන්ධානය, ජනතා විමුක්ති පෙරමුණ, දෙමළ ප්‍රගතිශීලී සන්ධානය ඇතුළු දේශපාලන පක්ෂ කිහිපයක් මෙම පෙත්සම් ගොනුකර ඇති අතර මැතිවරණ කොමිෂන් සභාව වෙනුවෙන් එහි සාමාජික මහාචාර්, රත්නජීවන් හූල් මහතා ද පෙත්සමක් ගොනුකර තිබේ.
මෙම පෙත්සම් විභාගය සඳහා අගවිනිසුරු නලින් පෙරේරා සහ ප්‍රියන්ත ජයවර්ධන, ප්‍රසන්න ජයවර්ධන යන ශ්‍රේෂ්ඨාධිකරණ විනිසුරුවරුන්ගෙන් මෙම ත්‍රිපුද්ගල විනිසුරු මඩුල්ල සමන්විත වේ.