Colombo Today Local News

හොර බෙහෙත් ගෙනා ෆාමේස් සමාගමට රාජිත සම්මාන දීලා… රටම ලෙඩ කර බිලියන විස්සකට තට්ටු කළ හැටි එළියට…

ඖෂධ ආනයන තහනමකට ලක්කරන ලද ෆාමේස් සමාගමට හිටපු සෞඛ්‍ය ඇමැති වෛද්‍ය රාජිත සේනාරත්න සම්මාන පවා ලබාදී ඇතැයි රජයේ වෛද්‍ය නිලධාරීන්ගේ සංගමයේ ප්‍රධාන ලේකම් වෛද්‍ය හරිත අලුත්ගේ පැවසීය

ප්‍රධාන ලේකම්වරයා මේ බව සඳහන් කළේ කොළඹ විද්වත් වෘතිකයන්ගේ සංගම් ශාලාවේ ඊයේ (6 වැනිදා) පැවැති මාධ්‍ය හමුවේදීය.

මෙම ආයතනය ඇතුළු තවත් ආයතන සමග හිටපු සෞඛ්‍ය ඇමැතිවරයා ඍජු සම්බන්ධතා පැවැත් වූ බවද ඒ මහතා කීවේය.

ප්‍රමිති සහතික ඇති ගුණාත්මක ඖෂධ වර්ගයක් රුපියල් තිස්තුනට පවතින විට රුපියල් හැට නමයකටත් වැඩි මුදලකට ඖෂධ සංස්ථාව ෆාමේස් ආයතනයට නිකුත් කර ඇතැයි ද මෙම ටෙන්ඩරය හරහා පමණක් රජයට සිදුවී ඇති පාඩුව රුපියල් මිලියන පහකට වැඩි යැයිද වෛද්‍යවරයා සඳහන් කළේය.

පිළිකා ඖෂධ මගඩිය සම්බන්ධයෙන් සොයා බැලීමට පත්කරන ලද ජනාධිපති විමර්ශන කොමිෂන් සභා සාක්ෂිවලින් හෙළිවුණේ හිටපු සෞඛ්‍ය ඇමැතිවරයා සමග එකට ගනුදෙනු කළ සමාගම්වල නම් යැයි ද ෆාමේස් සමාගමත් ඒ අතර වූ බවද සඳහන් කළ වෛද්‍ය හරිත අලුත්ගේ හිටපු ​සෞඛ්‍ය ඇමැතිවරයා එම සමාගමට සම්මානයක් ලබාදීම පුදුමයට කරුණක් නොවන බවත් කීවේය.

සෑම ටෙන්ඩරයක්ම ලබාදෙන්නේ ෆාමේස් ආයතනයට නම් ප්‍රසිද්ධ ටෙන්ඩර් කැඳවීම් කරන්නේ මන්දැයි ජනාධිපති කොමිෂන් සභාවේ ප්‍රධාන සභාපති විනිශ්චයකාරවරයා එක්වරකදී ප්‍රශ්න කර සිටියේ යැයිද ප්‍රධාන ලේකම්වරයා සඳහන් කළේය.

මහ බැංකු බැඳුම්කර වංචාව මෙන් දෙගුණයක වංචාවක් ඖෂධ මිලදී ගැනීමේදී ඉකුත් වසර හතර පහේදී සිදුවී ඇති බවත් එම වංචාව රුපියල් බිලියන විස්සකට වැඩි බවත් හරිත අලුත්ගේ ප්‍රකාශ කළේය.

නව රජයක් බිහිවූ පසු මෙවැනි දූෂිත ගනුදෙනු නතරවනු ඇතැයි අපේක්ෂා කළ නමුත් තවදුරටත් එම දූෂිත ගනුදෙනු සිදුවෙමින් පවතින්නේ යැයි ද හොඳම උදාහරණය පසුගිය දෙසැම්බර් 16 වැනිදා පිළිකා ඖෂධයක් සම්බන්ධ ටෙන්ඩරයක් ඖෂධ සංස්ථාවෙන් නැවතත් ෆාමේස් සමාගමට ලබාදීම යැයි ද ප්‍රධාන ලේකම්වරයා කී‍වේය.

පිළිකා ඖෂධ ගෙන්වීමට අදාළ අක්‍රමිකතාවක් හේතුවෙන් ෆාමේස් සමාගමේ ඖෂධ ව්‍යාපාර කටයුතු ඖෂධ නියාමන අධිකාරියෙන් මේ වන විට අත්හිටුවා ඇත.

අරුණ

Related posts

ගුරුකන්ද නාහිමි ආදාහනය කිරීම: ඥානසාර හිමිට එරෙහි නඩුවෙන් පොලිස් නිලධාරීන්ගේ නම් ඉවත් කරයි. අභියාචනාධිකරණ සභාපති විනිසුරු නවාස් නඩුවෙන් ඉවත් වෙයි

colombotoday

පාර්ලිමේන්තුව විනාඩි 5කට සීමාවෙයි. නොවැම්බර් 23 තෙක් කල්තැබෙයි.

colombotoday

හෙළ උරුමය සර්වාගමික වෙයි.. පුංචි ඡන්දෙට දෙමළ, මුස්ලිම් අපේක්ෂකයන් !

colombotoday

රසායනික පොහොර ගෙන ඒම ගැන පලවන වාර්තා බොරු – ජනාධිපති මාධ්‍ය ප්‍රකාශක

colombotoday

කොළ විකුණා ජිවත් වුණු හරක් කටාගේ නැන්දම්මාගේ නමට ලක්ෂ 115ක නිවසක්

colombotoday

“මාධ්‍ය කෝප් කමිටු වාර්තා හෙලිකලා.. වහා ගෙන්වා ප්‍රශ්නකළ යුතුයි“ – සුජීව

colombotoday