පසු ගිය දිනක ලංකාවේ පැවති උත්සවයකට පැමිණීම සදහා දෙමළ කවියකු ලෙස සැළකෙන LTTE හිතවාදී වී.අයි.එස් ජයපාලන් ඉදිරිපත් කරන ලද වීසා අයදුම්පත ආණ්ඩුව විසින් ප්‍රතික්ෂේප කර ඇත.
වී.අයි.එස් ජයපාලන්ගේ වීසා අයදුම්පත ප්‍රතික්ෂේප කිරීම පිළිබදව වහාම පරීක්ෂණයක් සිදු කරන ලෙස මංගල සමරවීර මහතා විදේශ අමාත්‍යාංශයේ ලේකම්වරියට නියෝග කර තිබේ.
වී.අයි.එස් ජයපාලන් LTTE හිතවාදී කවියාට ලංකාවට පැමිණෙන ලෙස තමා විවෘත ලෙස ආරාධනා කර සිටින බවද විදේශ අමාත්‍යවරයා “ශ්‍රී ලංකා මිරර්” සිදු කළ විමසීමකදී සදහන් කර ඇත.
ColomboToday.com සිදුකල සොයාබැලීමකදී අනාවරණය වුයේ වී.අයි.එස් ජයපාලන් නැමැත්ත කොටි ඩයස් පෝරාවේ ප්‍රබල සාමාජිකයකු බවයි. රජයේ හමුදාවෙත ව්‍යාජ යුධ අපරාධ චෝදනා එල්ල කර රණවිරුවන්ව පෝරකයට යැවීම සදහා ජාත්‍යන්තර වශයෙන් විශාල පරිශ්‍රමයක් දරන්නෙකි.
ශ්‍රී ලංකාවේ ඉපිද ඇති ඔහු 1980 දී නොර්වේජියාවේ දේශපාලන රැකවරණ ලබා එරට පුරවැසිභාවය ලබාගන ඇත. අවසන්වරට 2013 වසරේ නොවැම්බර් මසදී ලංකාවට පැමිණ ඇති ඔහු වවුනියාවේ මාන්කුලම් ප්‍රදේශයේදී පොලිස් අත්අඩංගුවට පත්ව පිටුවහල් කර ඇත.