ශ්‍රී ලංකා උසස් තාක්ෂණ අධ්‍යාපන ආයතනයේ ඉගෙනුම ලබන සිසුන්ට ලබාදෙන මහපොළ ශිෂ්‍යාධාර මුදල රුපියල් 1000 ක් වැඩිකර තිබේ.
ඒ අනුව එම සිසුවකුට මාසිකව ලබාදුන් රුපියල් 1500 ශිෂ්‍යාධාර මුදල රුපියල් 2500 දක්වා ඉහළ නංවන බව නගර සැලසුම් ජලසම්පාදන සහ උසස් අධ්‍යාපන අමාත්‍ය රාවුෆ් හකීම් මහතා පැවසීය.
ශ්‍රී ලංකා උසස් තාක්ෂණ අධ්‍යාපන ආයතනයේ ප්‍රාදේශීය මධ්‍යස්ථාන 19 ක් තිබෙන අතර ඒවායේ සිසුන් 20,000 ක් පමණ අධ්‍යාපනය හදාරති.
ශ්‍රී ලංකා උසස් තාක්ෂණ අධ්‍යාපන ආයතනය මගින් තාක්ෂණ අධ්‍යාපනය පිළිබඳ උසස් ජාතික ඩිප්ලෝමාව ප්‍රදානය කරයි.