කොවිඩ් නයින්ටීන් වසංගත තත්ත්වයේ නව ව්‍යාප්තියත් සමග චීනයේ බීජිං නුවර ගුවන් ගමන් 1200 කට අධික සංඛ්‍යාවක් අවලංගු කිරීමට බලධාරීන් පියවර ගෙන තිබේ.
බීජිං නුවර පාසල් ද අද (17) දිනයේ සිට වසා දැමීමට පියවර ගෙන ඇති බව විදෙස් මාධ්‍ය වාර්තා කළේය.
බීජිං නුවර වෙළඳපොළකින් නව ආසාදිතයින් පොකුරක් සොයාගැනීමත් සමග මේ වන විට එරට තුළ යළිත් වරක් නව කොරෝනා වෛරසය පැතිර යාමේ දැඩි අවදානමක් මතුව තිබේ.
අද දිනයේ තුළ ද එම නගරයෙන් නව ආසාදිතයින් 31 දෙනෙකු හඳුනා ගෙන ඇති බව වාර්තා වෙයි.
පවතින තත්ත්වය හමුවේ බීජිං නුවර වැසියන්ට අත්‍යවශ්‍ය කරුණකට හැරුණු විට නගරයෙන් පිටතට නොයන ලෙස බලධාරීන් ඉල්ලීම් සිදුකර ඇති අතර නගරය ආශ්‍රිත ප්‍රදේශ 30 ක් වසා දැමීමට ද පියවර ගෙන තිබේ.