ලෝක කම්කරු දිනය වෙනුවෙන් මැයි මස පළමු වන දා ලබා දී තිබූ නිවාඩුව අවලංගු කිරීමට රජය තීරණය කර තිබේ.
ස්වදේශ කටයුතු නියෝජ්‍ය අමාත්‍ය ජේ.සී. අලවතුවල මහතා ප්‍රකාශ කළේ, මැයි දිනය මැයි මස 7 වන දා සැමරීම හේතුවෙන් එම තීරණය ගත් බව ය.
ඒ අනුව මැයි 7 වන දා රජයේ සහ වෙළෙඳ නිවාඩු දිනයක් ලෙස ප්‍රකාශයට පත් කර ඇති බව ද ඔහු ප්‍රකාශ කළේ ය.
මෙවර කම්කරු දින සැමරුම් උළෙල මැයි 7 වන දා පැවැත්වීමට රජය තීරණය කළේ, වෙසක් සතිය හේතුවෙන් එය කල් දමන්නැයි මහා සංඝරත්නය කළ ඉල්ලීම් සැලකිල්ලට ගනිමින් බව ද නියෝජ්‍ය අමාත්‍යවරයා ප්‍රකාශ කළේ ය.
කෙසේ වෙතත් රජය ගෙන ඇති මෙම තීරණයට වෘත්තීය සමිති නියෝජිතයෝ දැඩි විරෝධය පළ කරති