ආණ්ඩුවට කොන්ද පණ නැති බව ඇතැමුන් කියන්නේ ඔවුනට පරිනත ප්‍රජාතන්ත්‍රවාදය නොතේරෙන නිසා බව විදුලි සංදේශ ඩිජිටල් යටිතල පහසුකම් සහ විදේශ රැකියා අමාත්‍ය හරීන් ප්‍රනාන්දු මහතා මාධ්‍ය හමුවකදී පැවැසීය.
රටේ ජනාධිපතිවරයා අගමැතිවරයා විවේචනය කිරීමට ඕනෑම අයෙකුට හැකියාව ලැබී ඇත්තේ ඒ පරිනත ප්‍රජාතන්ත්‍රවාදය නිසා බවද ඇමැතිවරයා කීවේය.
අතේ නීතිය සහ පොතේ නීතිය යනුවෙන් දෙකක් තිබෙන බව කී ඇමැතිවරයා පසුගිය රජය යටතේ ක්‍රියාත්මක වුයේ අතේ නීතිය බවත් යහපාලන රජය ක්‍රියාත්මක කරන්නේ පොතේ නීතිය බවත් පැවසීය.
පිටකෝට්ටේ සිරිකොත එක්සත් ජාතික පක්ෂ මුලස්ථානයේදී මෙම මාධ්‍ය හමුව පැවැත්විණි.