කොරෝනා වෛරසය හේතුවෙන් මියයන මුස්ලිම් ජාතිකයන් ආදාහනය නොකොට භූමිදානය කරණ ලෙස ඉල්ලා ඉදිරිපත්වී ඇති පෙත්සම් 12ක් සලකා බැලීම පසුගියදා අභියාචනාධිකරණයේදී සිදුවිය.
එහිදී වගඋත්තරකාර පාර්ශවයක් ලෙස නම් කර ඇති ශ්‍රී ජයවර්ධනපුර විශ්වවිද්‍යාලයේ ජේෂ්ඨ මහාචාර්ය මෙත්තිකා විතානගේ මහත්මිය වෙනුවෙන් පෙනී සිටින ජනාධිපති නීතිඥ සංජිව ජයවර්ධන මහතා ස්වයං නිරෝධායනයට ලක් වන බැවින් ඔහුගේ කනිෂ්ඨ නීතිඥවරයෙකු වන මුස්ලිම් කොන්ග්‍රස් නායක රවුෆ් හකීම් මහතාගේ දියණියගේ ස්වාමි පුරුෂයා වන නීතිඥ මිල්හාම් ඉක්රම් මහතා අධිකරණයේ පෙනී සිටියි පවසමින් මුස්ලිම් කණ්ඩායම් විසින් ඒ මහතාට අන්තර්ජාලය තුල දරුණු විවේචන එල්ල කරමින් සිටියි.
ජල භූ විද්‍යාඥ මහාචාර්ය මෙත්තිකා විතානගේ මහත්මිය විසින් කොරෝනා වෛරසය හේතුවෙන් මියයන පුද්ගලයන් භූමිදානය කළහොත් එම වෛරසය භූගත ජලයට එකතුවීමේ අවධානමක් ඇති බවට ප්‍රභල මතයක් මීට ඉහතදී ඉදිරිපත් කරන ලදි.
කොරෝනා මුස්ලිම් මරණ ආදාහනය කිරීම පිළිබඳව මුස්ලිම් කොන්ග්‍රස් නායක රවුෆ් හකීම්, අමාත්‍ය අලි සබ්‍රි, මංත්‍රී රිෂාඩ් බදුර්දීන්, හිටපු ආණ්ඩුකාර අසාද් සාලි, සිලෝන් තවුහිඩ් ජමාත් සංවිධානය ඇතුළු මුස්ලිම් පාර්ශව රැසක් තම විරෝධය එල්ල කරමින් සිටියි.
එවැනි විවේචන කිහිපයක්….
