එළඹෙන ඇමරිකානු ජනාධිපතිවරණයේදී හිලරි ක්ලින්ටන් මහත්මියගේ ජයග්‍රහණය අපේක්ෂා කරමින් අද පස්වරුවේ දේව කන්නලව්වක් සිදුකිරීමට නියමිත බව උතුරු පළාත් සභා මන්ත්‍රී එම්.කේ. ෂිවාජිලිංගම් පවසයි.
පසුගිය සමයේදී හිලරි ක්ලින්ටන් මහත්මිය ශ්‍රී ලංකාවේ දෙමළ ජනතාවගේ ඇතුළු රටේ විවිධ ගැටළු සම්බන්ධයෙන් මැදිහත් වී කටයුතු කිරීම හේතුවෙන් ඇයගේ ජයග්‍රහණය මෙරටට යහපත් ලෙස බලපානු ඇති බව ෂිවාජිලිංගම් මන්ත්‍රීවරයා අවධාරණය කරයි.
වන්නි මානුෂීය මෙහෙයුම අඩාල කිරීම සදහා හිලරි ක්ලින්ටන් විසින් ඇමරිකානු රාජ්‍ය දෙපාර්තමේන්තුවට බලපෑම් සිදු කළ බවත්, අවසාන මොහොතේ ප්‍රභාකරන් බේරාගැනීම සදහා ඇය විසින් රහසිගත මෙහෙයුමක් දියත් කර තිබුණු බවත් ඇයගේ රහසිගත ඊමේල් පණිවිඩ හෙළදරව් වීමෙන් මැතකදී අණාවරණය වූ අතර, ක්ලින්ටන්ගේ ජයග්‍රහණය වෙනුවෙන් තමන් කැපවී ක්‍රියාකරණ බවට ඊළාම්වාදී දමිළ ඩයස්පොරාවද ප්‍රකාශ කර ඇත.