ශ්‍රී ලංකා හමුදාව වන්නි මෙහෙයුමේදී පොකුරු බෝම්බ දැමු බවට චෝදනා එල්ලවී ඇතැයි මානව හිමිකම් කොමසාරිස්‌ සෙයිද් රාද් හුසේන් කර ඇති ප්‍රකාශය මුළුමනින්ම අසත්‍ය බව අනාවරණය වී ඇත.
පොකුරු බෝම්බ දැමීමේ පහසුකම් ගුවන් හමුදාවට නැති අතර එම චෝදනාව එල්ල කිරීමට පෙර මානව හිමිකම් කොමසාරිවරයා ශ්‍රී ලංකා රජයෙන් විමසා නැත.
ශ්‍රී ලංකා ගුවන් හමුදාවට එවන් පහසුකම් නැති බව එක්‌සත් ජාතීන්ගේ නියෝජිත ගෝඩන් වෙයිස්‌ද පිළිගෙන තිබේ.
මෙම සාවද්‍ය පොකුරු බෝම්බ චෝදනාව ජිනීවා මානව හිමිකම් කවුන්සලයට ඉදිරිපත් කර ඇත්තේ බ්‍රිතාන්‍යයේ සිටින එමැනුවෙල් ස්‌ටෝක්‌ස්‌ නමැති ඊළාම් හිතවාදියා බවට අනාවරණය වී තිබේ.
කීර්ති වර්ණකුලසූරිය