ශ්‍රී ලංකා නිදහස් පක්ෂය ආණ්ඩුව තුළ කටයුතු කරන ආකාරය සම්බන්ධයෙන් යෝජනා ඉදිරිපත් කිරීම සදහා ජනාධිපතිවරයා පත්කළ කමුටුවේ වාර්තාව අද 21 නිම කිරීමට නියමිත බව එම කමිටු සභාපති අමාත්‍ය සරත් අමුණුගම මහතා සදහන් කරයි.
අදාළ වැඩපිළිවෙල හරහා යෝජනා කර ඇත්තේ ශ්‍රීලනිපය ඉදිරියේදී ආණ්ඩුවේ කටයුතු කරන්නේ “අන්තර් පාලන දෙවසරක වැඩසටහනකට අනුව බවද හෙතෙම සදහන් කරයි.
එසේම එම පාලනය “අන්තර් පාලන රජය” ලෙස හැඳින්විය හැකි බවද අමාත්‍යවරයා පැවසීය.
අද සකස්කර නිමකරන වාර්තාව 23 වනදා ජනාධිපතිවරයා ලංකාවට පැමිණීමෙන් පසුව පිළිගන්වන බවත් ඊට අනුව එක්සත් ජාතික පක්ෂය සමඟ සාකච්ඡා කර එහිදී ඇති කරගන්නා එකඟතාව මත ආණ්ඩුවේ ඉදිරි දෙවසරක කාලය කටයුතු කෙරෙනු ඇති බවද අමාත්‍යවරයා පැවසීය.
අමාත්‍යවරයා මේ බව සදහන් කළේ අද කොළඹදී පැවති උත්සවයකින් අනතුරුව මාධ්‍ය හමුවේ අදහස් දක්වමිනි.