තරුණ තරුණියන් විසින් පවත්වනු ලබන සාමකාමී විරෝධතා සඳහා කිලෝමීටර 20 – 25 ත් අතර දුරකට නොමිලේ ප්‍රවාහන පහසුකම් ලබා දීමට පුද්ගලික බස්රථ හිමියන්ගේ සංගමය තීරණය කර තිබේ.
ඕනෑම තැනක ඕනෑම වේලාවක පැවැත්වෙන සාමකාමී උද්ඝෝෂණ සඳහා එලෙස සහය දෙන බව එම සංගමයේ සභාපති ගැමුණු විජේරත්න මහතා සඳහන් කර ඇත.
එහිදී බස් රථයේ ඉන්ධන සේවක පඩි නඩි සඳහා වූ වියදම පමණක් ලබා දිය යුතු බවත් ඉතිරි වියදම් අනවශ්‍ය බවත් ඔහු පෙන්වා දෙයි.
පාර්ලිමේන්තුව වට කර බස්රථ නවතා සාමකාමී විරෝධතාවක් පැවැත් වීමට ද පුද්ගලික බස් රථ හිමියන් තීරණය කර ඇත.