රාජ්‍ය ආයතන 14ක පවත්වාගෙන යෑම සදහා ගොඩනැගිල්ලක් ඉදිකිරීමට නිර්දේශ කර තිබූ ස්ථානයක් මුස්ලිම් පාසලක් වෙනුවෙන් ලබාදීමට ඌව මහ ඇමති චාමර සම්පත් දසනායක මහතා විසින් තීරණය කිරීමත් සමගම ප්‍රදේශයේ යම් නොසන්සුන්කාරී වාතාවරණයක් හටගෙන තිබෙනවා.
අදාළ ඉඩම උමාඔය ව්‍යාපෘතියෙන් අවතැන්වූවන් සදහා කඩ කාමර ඉදිකිරීමට ලබාදෙන ලෙස ඉල්ලුම් කළද දේශපාලන අධිකාරිය විසින් ඊට ඉඩ ලබා දී නැති අතර එසේ තිබියදී තවත් මුස්ලිම් පාසලක් සදහා මෙම ඉඩම ලබාදීමට කටයුතු කර ඇති බවත්, දේශපාලකයන්ගේ ආශිර්වාදයෙන් වැලිමඩ මුස්ලිම්කරණය කිරීමේ දැවැන්ත මෙහෙයුමක් ක්‍රියාත්මක වන බවත් ප්‍රදේශවාසීන් චෝදනා කරනවා.
ඌව පළාත් සභාවේ ප්‍රධාන අමාත්‍ය චාමර සම්පත් දසනායක මහතා විසින් ඊයේ (3) උදෑසන දඹවින්න හද්දාවුල ප්‍රදේශයේ මෙම මුස්ලිම් ආරාබි විද්‍යාලයකට මුල් ගල් තැබීමට එරෙහිව ප්‍රදේශයේ නොසන්සුන්තාවයක් හට ගැනුනි. ප්‍රදේශවාසීන්ගේ දැඩි විරෝධතාවය හේතුවෙන් මුල් ගල් තැබීම අත්හැර දැමීමට ප්‍රධාන අමාත්‍යවරයට සිදුවුණු බවයි වාර්තාවන්නේ.
