Colombo Today Local News

රාජිතව මරන්න එනවා කියන අය ගැන බුද්ධි අංශවලට වාර්තා වී නෑ… ඉල්ලුවානම් අමතර ආරක්ෂාවක් දෙනවා

ruwan wijewardana

යහපාලන ආණ්ඩුවේ පිරිසක් ඝාතනය කිරීමේ සූදානමක් තිබෙන බවට රජයේ සම කැබිනට් ප්‍රකාශක අමාත්‍ය රාජිත සේනාරත්න මහතා ඊයේ සඳහන් කළ කරුණ සම්බන්ධව මෙරට බුද්ධි අංශවලට මෙතෙක් තොරතුරු වාර්තා වී නැතැයි ආරක්ෂක රාජ්‍ය අමාත්‍ය රුවන් විජයවර්ධන මහතා පැවසීය.

රජයේ ප්‍රවෘත්ති දෙපාර්තමේන්තුවේ අද (12දා) පැවති ප්‍රවෘත්ති සාකච්ඡාවකදී ඒ මහතා වැඩිදුරටත් සඳහන් කළේ රාජිත සේනාරත්න මහතාට අමතර ආරක්ෂාවක් අවශ්‍ය බවට ආරක්ෂක අමාත්‍යාංශයෙන් ඉල්ලීමක් කළහොත් එම නිලධාරීන් ලබාදිය හැකි බවයි.

රාජිත ඇමතිතුමාගේ එම ප්‍රකාශය මමත් දැක්කා. නමුත් අපිට කිසිම ආරංචියක් නැහැ. ආරක්ෂක අංශවලට එවැන්නක් කියලත් නැහැ. රාජිත සේනාරත්න අමාත්‍යවරයාට එවැනි ආරක්ෂාවක් අවශ්‍යයි නම් එය ලබාදිය හැකියි.

ඒ සම්බන්ධ මම අපේ බුද්ධි අංශ සමග සාකච්ඡා කළා. නමුත් මදුරාසියෙන් එවැනි පුද්ගලයන් පැමිණෙන බවට වාර්තා නොවන බවයි ඔවුන් සඳහන් කළේ. රටේ විවිධාකාර දේශපාලන මත දරන පුද්ගලයන් විවිධාකාරයට හිතනවා. ඒ නිසා යම් වැටහීමක් තිබෙනවා ඇති. නමුත් ආරක්ෂාව පිළිබඳව ප්‍රශ්නයක් නැහැ. ආරක්ෂක හමුදාව සහ නිලධාරීන් නිරන්තරයෙන් සෝදිසියෙන් සිටිනවා.

සියලු දෙනාට ලබාදී තිබෙන ආරක්ෂාව රාජිත අමාත්‍යවරයාටත් ලබාදී තිබෙනවා. එතුමාගේ ආරක්ෂාවට වැඩිදුර නිලධාරීන් අවශ්‍යයි නම් ඉල්ලීමක් කළොත් අපි ලබාදීමට සූදානම්.

Related posts

නැගනහිර පුරාවිද්‍යා සංහාරයේ පිටුපස ඇමති හිස්බුල්ලා – පුරාවිද්‍යා කාර්යාලයත් ඉවත් කරයි

colombotoday

DIG නාලක සිල්වා අද අත්අඩංගුවට ?

colombotoday

මැතිවරණයට දින තුනකට පෙර අර්ජුන් ඇලෝෂියස් අත්අඩංගුවට

colombotoday

2017 දුගීබව නැති කිරීමේ වසර ලෙස නම් කරයි.. ජනපති යෝජනාව අද කැබිනට් මණ්ඩලයට

colombotoday

සිවිල් ආරක්ෂක සේවයේ 400කගේ විශ්‍රාම වැටුප් ගෙවා නෑ

colombotoday

බත් පැකට්ටුවෙයි කිරි තේ කොප්පෙයි මිලත් ඉහළට

colombotoday