බහු ආසන නම් කිරීමේදී පළාත් පාලන හා පළාත් සභා අමාත්‍ය ෆයිසර් මුස්තාපා මහතා බලතල ඉක්මවා කටයුතු කර ඇති බවත්, බහු ආසන නම් කරමින් ඇමැතිවරයා විසින් 2017 පෙබරවාරි 17 දින නිකුත් කළ 2006/44 දරන ගැසට් පත්රය අවලංගු කරන්නැයි ඉල්ලා හයදෙනකු විසින් අභියාචනාධිකරණයේ පෙත්සමක් ගොනු කර තිබෙන අතර එම පෙත්සම අධිකරණයට ඉදිරිපත් කර ඇත්තේ අමාත්‍ය ෆයිසර් මුස්තාපාගේ කණිෂ්ඨ නීතීඥවරයෙක් ලෙස කටයුතු කළ එම්.එන්. සහීර් නමැති නීතීඥවරයෙකු බව වාර්තා වෙයි.
එනිසා මෙය බොහෝ දුරට මැතිවරණය කල් දැමීමේ යටි අරමුණ ඇතිව ආණ්ඩුව විසින්ම ආණ්ඩුවට එරෙහිව කළ රිට් ආඥා ඉල්ලීමක් විය හැකි යැයිද නිතී ක්ෂේත්‍රයේ කතා බහට ලක්වෙති.
ගැසට් පත්රය ප‍්‍රකාශයට පත් කර මාස නවයකින් මෙම පෙත්සම ඉදිරිපත් කිරීමෙන්ම මෙම ඉල්ලීම සද්බාවයෙන් කරන ලද්දක් නොවන බව පෙනී යන්නේ යයි නීතීඥ සාගර කාරියවසම් මහතා සදහන් කරයි.