තමිල්නාඩු ප්‍රාන්තයේ මහ ඇමති ධුරය අපෙක්ෂාවෙන් සිටි ශෂිකලා නටරාජන්ට ඉන්දීය ශ්‍රේෂ්ඨාධිකරණය අද සිව් වසරක සිර දඩුවමක් නියම කර තිබෙනවා.
අයථා ලෙස මුදල් ඉපයීම සම්බන්ධයෙන් චෝදනාවලට වරදකාරිය කරමින් මෙම තීන්දුව ලබා දී තිබෙන බවයි ඉන්දීය මාධ්‍ය වාර්තා කරන්නේ.
මෙම තීන්දුව අනුව ඇයට තමිල්නාඩු මහ ඇමති ධුරයට පත්වීමට අවස්ථාව අහිමිවන අතර, වසර 10ක් යනතුරු මැතිවරණ සදහා ඉදිරිපත්වීමටද අවස්ථාව අහිමිවනවා.
ශෂිකලා නටරාජන් හිටපු තමිල්නාඩු මහ ඇමතිනී ජයලලිතා ජයරාම්ගේ සමීපතම හිතවතිය වන අතර, ජයයලිතාගේ අනුප්‍රාප්තිකයා ලෙස තාවකාලිකව මහ ඇමතිධුරයට පත්වූ ඕ පනීර් සෙල්වම් සහ ඇය අතර මහඇමති ධුරය සදහා පසුගිය දිනවලදී ගැටුම්කාරී තත්ත්වයක් ඇතිවී තිබුණා.