මේරට පරිභෝජනය සඳහා පිළිකා කාරක අඩංගු විෂ පොල්තෙල් ගෙන්වා ඇතයි කියන සිද්දිය සම්බන්ධයෙන් විමර්ශනයක් සිදුකර වහාම නීතිමය ක්‍රියාමාර්ග ගන්නා ලෙස ඉල්ලමින් සමගි ජන බලවේගයේ පාර්ලිමේන්තු මන්ත්‍රී කාවින්ද ජයවර්ධන මහතා පැමිණිල්ලක් ඉදිරිපත් කර තිබේ.
අද (26)දින පොලිස් මූලස්ථානය වෙත පැමිණිල්ල ඉදිරිපත්කරනු ලැබීය.
ආප්‍රොටොක්සින් නමැති පිළිකා කාරක අඩංගු එම පොල්තෙල් තොගය ලංකාවට ගෙන්වීමට අනුබල දුන් පුද්ගලයා සහ ඒවාට සම්බන්ධ පුද්ගලයා සම්බන්ධයෙන් පුර්ණ විමර්ශනයක් සිදුකර දඬුවම් පමුණුවන ලෙසත් පැමිණිල්ල මගින් ඉල්ලා සිටි බව මන්ත්‍රීවරයා සඳහන් කර ඇත.
එම පැමිණිල්ල ඉදිරිපත් කළ අවස්ථාව සඳහා සමඟි තරුණ බලවේගයේ උප සභාපති නීතිඥ එරන්ද වැලිඅංගේ මහතා ඇතුළු පිරිසක් ද පැමිණ තිබේ.