හොරු අල්ලන පනත් ගෙනෙන විට ඒවා ගෙනෙන්නට එපා යැයි කියන්නේ හොරු ආරක්ෂා කරනවා යැයි තමාට චෝදනා කරන පිරිසම බව ජනාධිපති රනිල් වික්‍රමසිංහ මහතා පාර්ලිමේන්තුවේදී පැවසීය.
මැතිවරණ වියදම් නියාමනය කිරීමේ පනත් කෙටුම්පත ඉදිරිපත් කළ විට එය මේ මැතිවරණයට බලපාන්නේ නැති විදිහට එය ඉදිරිපත් කරන්නැයි ඉල්ලීමක් කර තිබූ බව ද ජනාධිපතිවරයා කීය.
ජනාධිපති රනිල් වික්‍රමසිංහ මහතා:-
එකම විෂය ගැන කෙටුම්පත් දෙකක් ඇවිල්ල තියෙන්නේ. එය විසඳා ගෙන මේ සතියෙම පුළුවන් නම් එය සම්මත කර ගනිමු. ඒක ප්‍රශ්නයක් නැහැ. මැතිවරණ වියදම් නියාමනය කිරීමේ පනත් කෙටුම්පත එදාට ඉදිරිපත් කරනවා. මේ මැතිවරණයට බලපාන්නේ නැති විදිහට එය ඉදිරිපත් කරන්නැයි මෙහි ඉල්ලීමක් කර තිබුණා.
මට කෑ ගහන්නෙ මම හොරු ආරක්ෂා කරනවා කියලා.හොරු අල්ලන්න පනත් ගෙනාවාම ඒකත් කරන්න එපා කියනවා” යැයි ජනාධිපතිවරයා වැඩිදුරටත් පැවසීය.