Colombo Today Local News

අවුල තව දුර යයි.. සයිටම් පවරා නොගත්තොත් රට පුරා වර්ජන රැල්ලක්

නෙවිල් ප්‍රනාන්දු රෝහල පමණක් නොව සයිටම් ආයතනයද පවරා ගැනීමට රජය කටයුතු නොකළහොත් සිංහල හා හින්දු අලුත් අවුරුද්ද අවසන් වීමත් සමග රට පුරා අඛණ්ඩ වැඩ වර්ජනයක් ආරම්භවීම නැවැත්විය නොහැකි යැයි රජයේ වෛද්‍ය නිලධාරීන්ගේ සංගමයේ උප ‍ලේකම් වෛද්‍ය නලීන් ද හේරත් මහතා සඳහන් කරයි.

සංගමයේ විධායක කමිටුව 12දා රැස්වන අතර එහිදී සංගමය ගන්නා ඉදිරි ක්‍රියාමාර්ගයන් සම්බන්ධයෙන් දීර්ඝ වශයෙන් සාකච්ඡා කිරීමට කටයුතු කරන බවද හෙතෙම පැවැසීය. උසස් අධ්‍යාපන ඇමැතිවරයා යෝජනාවලියක් ඉදිරිපත් කර ඇති නමුත් එම යෝජනාවලියෙන් තම සංගමයට පිළිගත හැක්කේ වෛද්‍ය විද්‍යාලවල අවම ප්‍රමිතිය ගැසට් කිරීමේ යෝජනාව පමණක් බවත් අනෙකුත් යෝජනා පිළිබඳව තම සංගමයට එකඟවිය නොහැකි බවද වෛද්‍ය හේරත් මහතා පැවැසීය.

සයිටම් ආයතනයේ අධ්‍යාපනය ලබන ශිෂ්‍යයන්ට රජයේ රෝහල්වල පුහුණුව ලබා දීමට ඉඩ දිය නොහැකි බවත් උසස් අධ්‍යාපන ඇමැතිවරයාගේ යෝජනාවන් අනුව හෝමාගම රෝහලද සයිටම් සිසුන්ට නේවාසික පුහුණුව ලබා දීම යෝජනා කර ඇතත් එය ලබා නොදෙන බවද හෙතෙම පැවැසීය. කෙසේ නමුත් සයිටම් ආයතනය ජනසතු කරන තෙක් වෛද්‍ය සංගමය ගෙන යන සටන ඉදිරියටත් ගෙන යන බවත් ඒ සඳහා වෘත්තීය සමිති සියයකට අධික පිරිසක්ද එක්වීමට මේ වන විටත් තීරණය කර ඇති බවත් රජයේ වෛද්‍ය නිලධාරීන්ගේ සංගමය අනතුරු අඟවා සිටියි.

Related posts

TNA කැබිනට්ටුවට ගේන්න රතන හිමිගෙන් යෝජනාවක් !

colombotoday

කායවර්ධන උපදේශකට වෙඩි තැබූ කොළොන්නාවේ චතු අල්ලයි

Admin

ඊසි කෑෂ් මගින් සැකකරුවන්ගේ මුදල් ගත් නියාමකගේ වැඩ තහනම්.

colombotoday

රාජ්‍ය සේවකයාගේ ඡන්දය ඉල්ලීමේ අයිතිය අහෝසියි.. හීන් කෙදිරියක්වත් නැතිව ජවිපෙ අත උස්සයි

colombotoday

ෆොන්සේකාගේ බලාපොරොත්තු සුන් වෙයි.. නීතිය හා සාමය රංජිත් මද්දුමබණ්ඩාරට

colombotoday

25 වෙනි ආසියානු මලල ක්‍රීඩා තරගාවලියේදී පදක්කම් දිනූ මලල ක්‍රීඩා කණ්ඩායම දිවයිනට

Admin