උතුරු පළාත් ප්‍රධාන අමාත්‍ය සී.වී. විග්නේෂ්වරන්ගේ ප්‍රකාශ වැරදියට වටහාගෙන ඇතැම් පිරිසක් ජාතීන් අතර සංහිඳියාවට බාධා ඇති කිරීමට ක්‍රියාකරමින් සිටින බව ස්වදේශ කටයුතු ඇමති වජිර අබේවර්ධන පවසයි.
ඊයේ (29) කොළඹදී පැවති සමුළුවකට සහභාගී වෙමින් අමාත්‍යවරයා මේ බව පැවසීය.
“උතුරු පළාත් ප්‍රධාන අමාත්‍යවරයා කළ ප්‍රකාශයක් පිළිබඳව මේ දිනවල දැඩි කතාබහට ලක් වෙනවා. මහ ඇමැතිගේ ඒ කතාව සම්පූර්ණයෙන්ම බොහෝ මාධ්‍යවල පළ වුණේ නැහැ. ප්‍රධාන අමාත්‍යවරයා සඳහන් කරන්නේ මම සිංහල ජනතාවට, බෞද්ධයන්ට හෝ වෙනත් ජාතියකට විරුද්ධව නොව කටයුතු කරන්නේ කියලා. එම ප්‍රකාශය නිවැරදිව වටහා නොගෙන, ජාතින් අතර සංහිඳියාවට බාධා එල්ල කිරීමට දැවැන්ත උත්සාහයක පිරිසක් නිරත වෙනවා.“ යැයි කී අබේවර්ධන මහතා ප්‍රධාන අමාත්‍යවරයාගේ ප්‍රකාශය නැවත නැවත මාධ්‍යයේ පළ කිරීම වැදගත් යැයි සිතන බවද එහිදී පැවසීය.
උතුරු නැගෙනහිර පළාත් තුල සිංහල ජනතාව පදිංචි කිරීම නැවැත්වීම, බුදු පිළිම ඉදි කිරීම නැවැත්වීම, හමුදා කදවුරු ඉවත් කිරීම, දෙමළ නිජබිම පිළිගෙන, ස්වයංපාලනයක් ලබා ගැනීම ඇතුළු ජාතිවාදී, බෙදුම්වාදී ඉල්ලීම් කිහිපයක් මුල්කරගනිමින් සී.වී. විග්නේෂ්වරන් මහඇමතිවරයා විසින් “එලුග තමිල්“ නමින් විරෝධතා රැළියක් පසුගිය 24 වනදා යාපනයේදී පැවැත්වීය.
එම විරෝධතාවයේදී එළිදැක්වූ ප්‍රතිපත්ති ප්‍රකාශය මෙතැනින්