රුපියල් 100,000ක මුදලක් අල්ලස් ලෙස ලබාගැනීමේ චෝදනාව මත, එරාවුර්පත්තු චෙන්කල්අඩි ප්‍රාදේශීය ලේකම් කාර්යාලයේ ඉඩම් නිලධාරියකු ව අත්අඩංගුවට ගෙන ඇති බව වාර්තා වෙයි.
අද (22) දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් එම පුද්ගලයාව අත්අඩංගුවට ගෙන තිබුණි.
මඩකලපුව ආරියම්පදි ප්‍රදේශයේ පදිංචි මෙම සැකකරු ඔප්පුවක් සකස් කිරීම සඳහා අවශ්යඅ රාජකාරි කටයුතු සිදුකරදීම වෙනුවෙන් මෙම අල්ලස ඉල්ලා, එය ලබා ගන්නා අවස්ථාවේදී මෙලෙස අත්අඩංගුවට පත්විය.
මූලික විමර්ශන කටයුතුවලින් අනතුරුව සැකකරු මඩකලපුව මහෙස්ත්‍රාත් අධිකරණයට ඉදිරිපත් කිරීමට නියමිතය.