යුධ අපරාධ සම්බන්ධයෙන් චෝදනා ලැබූවන් පිළිබදව විමර්ශණය කර දඩුවම් ලබා දීම සදහා රජය විශේෂ නීතිමය වැඩපිළිවෙලකට දැන් මුළපුරා ඇතැයි රජයේ සංහිදියා ව්‍යාපෘතිය භාරව සිටින හිටපු ජනාධිපතිනී චන්ද්‍රිකා කුමාරතුංග මහත්මිය පවසයි.
ඇය මේ බව කියා සිටියේ යාපනයේ දී පැවති උත්සව සභාවක් අමතමිනි.
වැඩිම වැරදි කරපු අයට එරෙහිව නීත්‍යානුකුල කටයුතු කරන්න විශේෂ නීතිමය වැඩ පිළිවෙලක් ආරම්භ කරන්න රජය කටයුතු කරනවා, යැයි කියා සිටි ඇය සංහිඳියාව යනු සිංහලයාට ලැබෙන අයිතීන් සියලුම ජාතීන්ට ලැබීම ලෙස හැඳින්වූ හිටපු ජනාධිපතිවරිය ඒ වෙනුවෙන් වත්මන් රජය පියවර ගනිමින් සිටින බව පැවසුවාය.
ඉදිරියේදී ගෙන එනු ලබන නව ආණ්ඩු ක‍්‍රම ව්‍යවස්ථාව මඟින් බලය බෙදා හැරීම ස්ථිර වශයෙන්ම සිදු වන බව ද ඇය එහිදී අවධාරණය කළාය.