පුද්ගලික අංශය සමග එක්ව නව රජය රට තුළ නව රැකියා අවස්ථා 50.000කට අධික ප්‍රමාණයක් නිර්මාණය කර ඇතත් එම රැකියා ලබාගැනීමට තරුණ තරැණියන් උනන්දු නොවන බව අන්තර්ජාතික වෙළද කටයුතු පිළිබද රාජ්‍ය අමාත්‍ය සුජීව සේනසිංහ මහතා පවසයිත
‘නව රැකියා පනස් දහසත් ලක්ෂයක් අතර සංඛ්‍යාවක් නිර්මාණය වෙලා තිබෙනවා. ඊයේ මගේ කාර්යාලයේ මහජන දිනය පැවැත්වුනා. හැමෝම ඉල්ලන්නේ ආණ්ඩුවේ රස්සාවල් . කම්මැළිව ඉඳ ගෙන ඉන්න තමයි ඔක්කොම කැමති’රාජ්‍ය ඇමතිවරයා පවසයි.
තේ, මැණික්, ඇඟලුම්, විදුලි උපාංග හා ඉදිකිරීම් වැනි කර්මාන්තවල ඇබෑර්තු රැසක් ඇතත් ඒවා ලබාගැනීමට තරුණ තරුණියන් උනන්දු නොවන බව පවසන අමාත්‍යවරයා එම රැකියාවලින් හොඳ වැටුප් තත්වයක් ලබාගත හැකි බව පෙන්වා දෙයි.
‘එම මට්ටමේ වැටුප් වලටම ශ්‍රී ලංකාවේ පුද්ගලයන් විදේශ ගත වෙනවා අලසකමට. කර්මාන්ත ශාලාවල වැඩ කරන්න කැමති නැහැ. චීනයේ සහ කොරියාවේ පවතින වෙනස ඒකයි. ඒ රටවල ජනතාව මහන්සි වෙලා වැඩ කරන්න කැමතියි’ අන්තර්ජාතික වෙළෙඳ කටයුතු පිළිබඳ රාජ්‍ය අමාත්‍ය සුජීව සේනසිංහ වැඩිදුරටත් ප්‍රකාශ කළේය. වර්තමාන රජය සංවර්ධන කටයුතුවල නොයෙදෙන බවට විපක්ෂය නගන චෝදනාව ප්‍රතික්ෂේප කල සුජීව සේනසිංහ රාජ්‍ය ඇමතිවරයා කියා සිටියේ තම රජයටත් අවශ්‍ය නම් ණය ලබාගෙන රටට වැඩක් නොමැති කොන්ක්‍රීට් ව්‍යාපෘති ඉදි කළ හැකි බවයි.
‘මේ රටට ආදායමක් ලැබෙන රටට වැඩක් ඇති ව්‍යාපෘති හැර කොමිස් ලැබෙන නිසා අපි ව්‍යාපෘති ආරම්භ කරන්නේ නැහැ’ඇමතිවරයා පවසයි.