විධායක ජනාධිපති ක්‍රමය අහෝසි කරන බවට මෙතෙක් ලබාදුන් පොරොන්දු කඩකර තිබෙන බව ජනතා විමුක්ති පෙරමුණේ දේශපාලන මණ්ඩල සාමාජික කේ.ඩී. ලාල්කාන්ත මහතා සඳහන් කළේය.
මේ නිසා විධායක ජනාධිපති ධුරය අහෝසි කර ගැනීමට මහපාරේ සටනක් කිරීමට සිදුව තිබෙන බවත්, එම සටන මේ මස 14 වැනිදා ආරම්භ කරන බවත් ඔහු පවසා සිටියේය.
බලයට පත්වීමට පෙර විධායක ජනාධිපති ක්‍රමය අහෝසි කරන බවට ලබාදුන් පොරොන්දු ඉටු නොකරන බැවින් මහපාරේ සටනට වෘත්තීය සමිති, ශිෂ්‍ය ව්‍යාපාරය, බහුජන සංවිධාන හා කාන්තා සංවිධාන එක්ව සිටින බවද අද (07දා) පැවැති මාධ්‍ය සාකච්ඡාවකදී හෙතෙම සඳහන් කළේය.
