මෑත ඉතිහාසයේ රුපියල අවප්‍රමාණය වූ ඉහළම අගය වාර්තා වන්නේ හිටපු ජනපති මහින්ද රාජපක්ෂ මහතාගේ පාලන කාලය තුළදී බව මුදල් අමාත්‍ය මංගල සමරවීර මහතා ප්‍රකාශ කරයි.
මාධ්‍ය වෙත ප්‍රකාශයක් කරමින් ඔහු සඳහන් කළේ එම කාලසීමාවේදි රුපියල ආරක්ෂා කර ගැනීම වෙනුවෙන් ඇමෙරිකානු ඩොලර් බිලියන 4.1ක් වැනි විශාල මුදලක් යෙදවූවත් එය පාලනය කර ගැනීමට අවස්ථාවක් නොලැබුණ බවයි.
“ අද ලෝකයේ ඇතිවී තිබෙන නව තත්ත්වයන් හරහා පරිවර්තනයන් ඇතිවෙමින් තිබුණත් අපි ශක්තිමත්ව ආර්ථිකය ඉදිරියට ගෙනි යනවා.
අපේ ආර්ථිකය අවුරුදු 60 ගණනකට පසුව මේ වසරේ ප්‍රාථමික ගිණුමේ අතිරික්තයක් පෙන්වූවා. ඉතිහාසයේ වැඩිම ප්‍රමාණයක් අපනයනය කළේ පසුගිය වසරේදීයි.
ඉතිහාසයේ වැඩිම මුදලක් සෘජු විදේශ ආයෝජන ලෙස ලැබුණේ පසුගිය වසරේදී. උද්දමය අඩු මට්මකින් පවත්වාගෙන යනවා. රුපියල අවප්‍රමාණය වීමෙන් අපහසුතා ඇතිවෙනවා. ඒක මම පිළිගන්නවා. මේ හේතුවෙන් ගොඩක් දුරට බලපාන්නේ පිටරටින් එන භාණ්ඩ වලට.
ඒ නිසා අපි හැකිතාක් දුරකට වාහන ගෙන්වීම සීමා කරන්න ඕන. පිටරටින් සුඛෝපභෝගී භාණ්ඩ පාවිච්චිකරන එක අඩුකරගන්න ඕන. හැකිතාක් දුරට දේශීය කර්මාන්තවලට නව ජවයක් දෙන්න පුළුවන්.”