සියලු මැතිවරණ නියමිත කලට තබන්නට ආණ්ඩු පක්ෂ කණ්ඩායම් රැස්වීමේදී සාකච්ඡා කළ බව ජනමාධ්‍ය රාජ්‍ය අමාත්‍ය ශාන්ත බණ්ඩාර මහතා අද (8)දින පාර්ලිමේන්තුවේ දී පැවසීය.
කිසිදු මැතිවරණයක් කල් දමන්නට රජය සූදානම් නොවන බව කී ශාන්ත බණ්ඩාර මහතා මැතිවරණ ක්‍රමයේ ගැටලු නිරාකරණය කර ලැබෙන ආසන්නම මොහොතේ මැතිවරණය පවත්වන බව සඳහන් කළේය.
පළාත් පාලන පනත පාර්ලිමේන්තුවට ගෙන ආ විට විපක්ෂය සහ ආණ්ඩුව එකතුවී ඒ පනත සම්මත කරමු යැයි කී රාජ්‍ය අමාත්‍යවරයා එවිට ඒ මැතිවරණය කඩිනමින් තබන්න පුළුවන් වනු ඇතැයි කීය.