කාම්බෝජයේ පැවති සිවිල් යුද සමයේ දී එරට විවිධ ප්‍රදේශවල වළ දමා ඇති බිම් බෝම්බ සොයා ගැනීමට උපකාරී වූ මීයෙක් ට රන් පදක්කමක් පිරි නමා තිබේ.
“මගාවා” යන සුරතල් නමින් හඳුන්වන එම මීයා මේ දක්වා බිම්බෝම්බ 39ක් සහ පුපුරණ ද්‍රව්‍ය අවස්ථා 28කදී සොයාගැනීමට සමත්වී ඇති බව වාර්තා වේ.
එක්සත් රාජධානියේ ක්‍රියාත්මක වන PDSDA නම් සත්ත්ව සුබ සිද්ධිය සඳහා ක්‍රියාත්මක ආයතනයක් මගින් එම රන් පදක්කම් ප්‍රධානය කර තිබේ.
කාම්බෝජය පුරා බිම්බෝම්බ මිලියන 6ක් පමණ අතුරා ඇතැයි සැලකේ.
7 හැවිරිදි “මගාවා” ව පුහුණුකර ඇත්තේ බෙල්ජියමේ ලියාපදිංචි ව ඇති ඇපොපෝ නම් ආයතනය මගිනි.