මතභේදයට තුඩු දී ඇති බැඳුම්කර ගනුදෙනුව සම්බන්ධයෙන් හිටපු මහ බැංකු අධිපති අර්ජුන් මහේන්ද්‍රන් හා පර්පෙචුවල් ට්‍රෙෂරිස් සමාගමේ අධ්‍යක්ෂ අර්ජුන් අලෝසියස් ඇතුළු 10 දෙනෙකුට එරෙහිව විශේෂ ත්‍රිපුද්ගල මහාධිකරණය හමුවේ නඩු පැවැරිමට අවසර දෙන්නැයි නිතිපති දප්පුල ද ලිවේරා මහතා අගවිනිසුරුවරයාගෙන් ඉල්ලීමක් කර තිබේ.
මෙම වංචාවෙන් රටේ ආර්ථිකයට සිදුවූ හානිය සළකා බලමින් මෙම නඩුව විශේෂ මහාධිකරණයේ විභාග කිරිමට අවසර දෙන ලෙසද නීතිපතිවරයා අගවිනිසුරුවරයාගෙන් ඉල්ලා සිටි බවද නීතිපතිවරයාගේ සම්බන්ධීකරණ නිලධාරිනී රජයේ අධිනීති: නිශාරා ජයරත්න මහත්මිය සඳහන් කළාය.