ඉදිරි ජනාධිපතිවරණයේදී ගෝඨාභය රාජපක්ෂ මහතා වෙනුවෙන් ඡන්ද ලක්ෂ 65ක ප්‍රමාණයක් ලබා ගැනීම ඉලක්කය බව පොදු ජන පෙරමුණේ ජාතික සංවිධායක බැසිල් රාජපක්ෂ මහතා පවසයි.
මෙවර ජනාධිපතිවරණයේදී මිිලියන 15.99ක පිරිසක් ඡන්දය භාවිතා කිරීමට සුදුසුකම් ලබා සිටින අතර ඉන් සියයට 80ක් පමණ ඡන්දය භාවිතා කරනු ඇති බවද ඒ මහතා විශ්වාසය පල කරයි.
ශ්‍රීලනිප හා පොදුජන පෙරමුණ එක්වීම මෙන්ම, සුළුජන කොටස්වල ඡන්ද ප්‍රමාණයද මෙවර ජනාධිපතිවරණයේදී තීරණාත්මක බවද හෙතෙම වැඩිදුරටත් කියා සිටී.
බැසිල් රාජපක්ෂ මහතා මේ බව ප්‍රකාශ කර ඇත්තේ ඉන්දියාවේ ද හින්දු පුවත්පත සමග සංවාදයකට එක්වෙමිනි.