Colombo Today Local NewsfeaturedTop Stories

අභිරහස් මිල සුත්‍රයෙන්, පෙබරවාරි දක්වා තෙල් මිල ඉහළට !

මෙම වසර අවසාන වන තෙක් මෙන්ම ලබන වසරේද පෙබරවාරි මාසය වන තෙක් අඛණ්ඩව මාසයක් පාසා තෙල් මිල ඉහළ යෑම සිදුවන බවට ආණ්ඩුව විසින් මේ වන විට ඉඟි පළ කරමින් තිබේ.

මුදල් හා ජනමාධ්‍ය අමාත්‍යවරයා පසුගිය නවවැනි දින පැවති මාධ්‍ය හමුවකදී සහ පසුගිය දහවැනිදා පාර්ලිමේන්තුවේදී ප්‍රකාශ කළේ ලබන වසරේ පෙබරවාරි මාසය වනතෙක් ලෝක තෙල් මිල අඩු නොවන බවයි.

එසේම පසුගිය දහවැනිදා අග්‍රාමාත්‍ය රනිල් වික්‍රමසිංහ මහතා පාර්ලිමේන්තුවේදී ප්‍රකාශ කළේ එළැඹෙන නොවැම්බර් මාසයේදී ලෝක වෙළඳපොළේ තෙල් බැරලයක් ඇමරිකානු ඩොලර් 90 දක්වා ඉහළ යා හැකි බවත්, එළැඹෙන ශීත සමයේ බොර තෙල් භාවිතය සීග්‍රයෙන් ඉහළ යාමට හැකියාව ඇතත් ඉරානයට ඇමරිකාව පැනවූ සම්බාධක හේතුවෙන් ලෝක වෙළඳපොළේ බොර තෙල් ඉල්ලුම සපුරාලීමේ හැකියාව පිළිබඳව ගැටළුවක් පවතින බවත්ය.

ඉන්දන මිල සූත්‍රය:

පසුගියදා වැඩි වූ තෙල් මිල අනුව ලංකා තෙල් සංස්ථාවේ පෙට්‍රල් 92 ලීටරයක මිල රුපියල් 155 ක්ද, පෙට්‍රල් 95 ලීටරයක මිල රු. 169 ක්ද, ඔටෝ ඩීසල් ලීටරයක මිල රු. 123 ක්ද, සුපර් ඩීසල් ලීටරයක මිල රු. 141 ක්ද වේ. එසේම ලංකා ඉන්දියානු තෙල් සමාගමට අනුව පෙට්‍රල් 92 ලීටරයක මිල රුපියල් 155 ක්ද, පෙට්‍රල් 95 ලීටරයක මිල රු.172 ක්ද ඔටෝ ඩීසල් ලීටරයක මිල රු. 129 ක්ද, සුපර් ඩීසල් ලීටරයක මිල රු. 141 ක්ද ලෙස වේ.

මෙම තත්වය මත මෙම වසර අවසාන වීමට පෙර පෙට්‍රල් ලීටරයක මිල රු.200 ඉක්මවනු ඇතැයි අපේක්ෂා කළ හැක.

ලෝක තෙල් මිල ඉහළ යාම මත ආණ්ඩුව මෙරට තෙල් මිල ඉහළ දැමුවද ඉන්ධන මත පනවා ඇති බදු අඩු කළ හොත් පෙට්‍රල් ලීටරයක් රුපියල් 88 ක මිලකටත්, ඩීසල් ලීටරයක් රුපියල් 103 ක මිලකටත් ලබාදිය හැකි බව ලංකා ඛනිජ තෙල් පොදු සේවක සංගමය ප්‍රකාශ කරයි.

ආණ්ඩුව මිල සූත්‍රයක් අනුව මාසයක් පාසා ඉන්ධන මිල ඉහල දැමුවද එම මිල සූත්‍රය, මෙතෙක් ජනතාවට හෙළි කර නොමැති අතර එය තමන්ටද නොතේරෙන බව මුදල් අමාත්‍ය මංගල සමරවීර මහතා ප්‍රකාශ කර තිබිණ.

Related posts

ඇමති අකිලගේ ගෝලයෝ මිහින්තලේ පුරාවිද්‍යා රක්ෂිතයේ වැඩ

colombotoday

ඉස්ලාම් වහාබ්වාදය සහ සංහිදියාව.. ඥාණසාර හිමි සමග ඉරාජ් කළ ආන්දෝලනාත්මක කතා බහ (Video)

colombotoday

බැදුම්කර ඇලෝසියස් අප්පා-පුතාලාට අක්කර 450ක රජයේ තේවත්තක් පවරා දෙයි.. මාසික බද්ද අටදාහයි…

colombotoday

පාර්ලිමේන්තුව විසුරුවාහැරීමට එරෙහිව එජාපය සදුදා ශ්‍රේෂ්ඨාධිකරණයට…

colombotoday

කථානායක හා පක්ෂ නායකයන් රැස්වෙයි… අද පාර්ලිමේන්තු කටයුතු ගැන තීරණයක් ගනී…

colombotoday

වසර 48000කට පෙර අපේ උරුමය-දුනු – ඊතල භාවිත කළ ලොව පැරණිතම මානවයන් ගැන මෙරටින් සාක්ෂි හමුවේ

colombotoday