සෘජුවම ආසාදනය නොවුනත් කොරෝනා වෛරසය මගින් වෘෂණ කෝෂ වලට හානි සිදුවන බවට පර්යේෂකයින් විසින් සිදුකළ පරීක්ෂණයකින් හෙළිව තිබේ.
චීනයේ, ගොන්ගී Tufts සරසවියේ වෛද්‍ය ඒකකයේ පර්යේෂකයින් පිරිසක් විසින් සිදුකළ පර්යේෂණයකදී හෙළිව ඇත්තේ වෘෂණ කෝෂවල තිබී කොරෝනා වෛරසය පිළිබද සාක්ෂි සොයා ගැනීමට හැකිව ඇති අතර එමගින් වෘෂණ කෝෂවල සශ්‍රිකත්වයට හානි කළ හැකි අකාරයද ඔවුන් සොයා ගන්නා ලද බව වාර්තාවේ දැක්වේ.
කොරෝනා වෛරසය ආසාදනය වූ පිරිමි රෝගීන්ගේ වෘෂණ කෝෂවල ඇති සෙමිනිෆර්ස් ටියුබය, කුඩා ව්‍යුහයන් හි ප්‍රබල විකෘති තාවයන් සිදුව ඇති ආකාරය සොයා ගැනීමට පර්යේෂකයින් විසින් සමත්ව ඇත.
කොරෝනා වෛරසය වැළදෙන පිරිමි පුද්ගලයින්ගේ වෘෂණ කෝෂවල සෙමිනිෆර්ස් ටියුබයට සිදුවන හානි හේතුවෙන් ඔවුන් වෛරසයෙන් සුවය ලැබුවත් ශුකාණු නිපදවීම අවම මට්ටමක් ගැනීමට හැකියාව ඇත.
මෙම වෛද්‍ය පර්යේෂණය සිදුකළ පර්යේෂකයින් විසින් සිය සොයා ගැනීම සම්බන්ධයෙන් වන කරුණු යුරෝපීය විද්‍යා සඟරාවක් වෙත යොමු කොට ඇති බවයි විදෙස් මාධ්‍ය වාර්තා කර සිටියේ.
මේ තත්ත්වයත් සමග ලිංගික එක්විමකදී කොරෝනා වෛරසය ආසාදනය වීමේ හැකියාවක් පවතීද යන්න සම්බන්ධයෙන් විද්‍යාඥයින් මේ වන විට පර්යේෂණ ආරම්භ කොට ඇත.