කටුගස්තොට පොලිස් වසමේ කුඩා රත්වත්ත ප්රදේශයේ, මහවැලි ගඟේ ඊයේ (25)දින නාඳුනන පිරිමි මළ සිරුරක් සොයා ගෙන තිබේ.
මරණකරු වයස අවරුදු 40ත් 50ත් අතර වයසේ පසු වන බවට අනුමාන කෙරෙන අතර කළු ඉරි සහිත කමිසයක් සහ කළු පැහැති කලිසමක් ඇඳ සිට ඇත.
මේ සම්බන්ධයෙන් කටුගස්තොට පොලිසියට ලැබුණු පණිවිඩයකට අනුව විමර්ශන ආරම්භ කර තිබේ.
මෘත ශරීරය සම්බන්ධයෙන් හදිසි මරණ පරීක්ෂණය සිදුකර මහනුවර රෝහලේ මෘත ශරීරාගාරයේ තැන්පත් කර ඇති බව පොලිසිය පවසයි.
සිද්ධිය සම්බන්ධයෙන් කටුගස්තොට පොලිසිය වැඩිදුර විමර්ශන සිදු කරයි.