එළැඹෙන මහ මැතිවරණයේචදී ඉලක්ක කර ගනිමින් තම පක්ෂය ජනතා විමුක්ති පෙරමුණ සමග හෝ දෙමළ සන්ධානය සමඟ සන්ධාන ගත නොවන බවත් දේශපාලනික වශයෙන් දරන මත එකිනෙකට වෙනස් නිසා එම පක්ෂ සමග මැතිවරණයකට තරග කිරීම පිණිස එකතුවීමට හැකියාවක් නොමැති බව ශ්‍රී ලංකා මුස්ලිම් කොංග්‍රසයේ නායක රවුෆ් හකීම් පවසයි.
ශ්‍රී ලංකා මුස්ලිම් කොංග්‍රසයේ 29 වැනි සමුළුවේදී තමන් කළ කථාව තුළින් වැරදි මතයක් සමාජගත ව තිබෙන බවත් ඔහු පැවැසීය.
මුස්ලිම් කොංග්‍රසයේ නායකවරයා එසේ පවසා සිටියේ මහනුවරදී ඊයේ (24දා) පැවැති මාධ්‍ය සාකච්ඡාවකදීය.
ප්‍රජාතන්ත්‍රවාදය ආරක්ෂා කර ගැනීම පිණිස සුළු පක්ෂ හා සුළු ජනතාව නියෝජනය කරන පක්ෂ එකට එකතු වී කටයුතු කිරීමේ අවශ්‍යතාවයක් තිබෙන බවත් ඒ සඳහා එම පක්ෂ සමඟ සාකච්ඡා කරන බවත්ය.
ඉදිරි මහ මැතිවරණය ඒ සඳහා මුස්ලිම් කොංග්‍රසය සජිත් ප්‍රේමදාස මහතාගේ නායකත්වය යටතේ ගොඩනැගෙන සන්ධානය සමග එක්ව තරග කරන බවත් තමන් මහනුවර දිස්ත්‍රික්ක සඳහා ඉදිරිපත්වන බවත් ඒ මහතා වැඩි දුරටත් අවධාරණය කර සිටියේය.