කහකුඩු වැඩි මිලට අලෙවිකරන වෙළදුන් සොයා අද (22) සිට වැටලීම් සිදුකිරීමට පාරිභෝගික සේවා අධිකාරිය පියවර ගත් බව එම අධිකාරියේ අධ්‍යක්ෂ (පාරාභෝගික කටයුතු හා තොරතුරු ) අසේල බණ්ඩාර මහතා ලංකාදීපයට පැවැසීය.
කහ කුඩු කිලෝවක් විකිණිය හැකි උපරිම සිල්ලර මිල රුපියල් 750 ක් බවට සදහන් කරමින් රජය ඊයේ(21) අති විශේෂ ගැසට් පත‍්‍රයක් නිකුත් කරනු ලැබූ අතර ඊට වඩා වැඩි මිලකට කහ විකුණන වෙළදුන් ඇල්ලීමට කටයුතු කරන බව ද බණ්ඩාර මහතා කීය.
දේශියව නිපදවිය හැකි බැවින් පිටරටින් කහ ගෙන්වීම රජයෙන් තහනම් කරනු ලැබු අතර මේ හේතුවෙන් වෙළද පොලේ කහ කුඩු හිඟයක් මතුවීමත් සමග අඩු මිලට ගෙන්වනු ලැබූ කහ ඉතා ඉහළ මිල ගණන්වලට විකිණීමට වෙළදුන් පියවර ගෙන තිබිණි.