ශ්‍රී ලංකාව කොරෝනා මර්දනය අතින් ලොව සෙසු රටවල් වලට වඩා සාපේක්ෂ ලෙස ඉදිරියෙන් සිටින බව සෞඛ්‍ය ඇමති පවිත්‍රා වන්නිආරච්චි මහත්මිය සඳහන් කරයි.
මෙම ජනවාරි මාසෙදි බෝවන රෝග සඳහා ඇඳන් තිබුණේ 150ක් පමණ වුවත් අද වන විට එය 3000 දක්වා ඉහල ගොස් ඇතැයිද ඇය පැවසීය.
මේ වන විට රෝහල් 30ක් ඒ වෙනුවෙන් සූදානම් කර ඇති බවත් පවසන ඇය කොරෝනා පරීක්ෂණ සංඛ්‍යාවද දිනකට අට දහසක් පමණ දක්වා ඉහළ දමා ඇතැයිද කියා සිටියාය.
පාර්ලිමේන්තුවේදී කොරෝනා වෛරස ව්‍යාප්තිය සම්බන්ධයෙන් සිදු කරන ලද විවාදයේදී ඇය මෙම අදහස් පල කලාය.