කොළඹ සිට රඹුක්කන දක්වා ගිය මන්දගාමී දුම්රියක් රාගම දුම්රිය ස්ථානයේ විනාඩි විස්සක් පමණ නවත්වා තැබීම නිසා මගීහු පිරිසක් නොසන්සුන් වී ඇති අතර රියදුරුට පහර දීමට උත්සහා කළ බවද වාර්තා වේ. රියදුරා බීමතින් සිටි බවට මගීන් චෝදනා කළ අතර ඔහු බීමතින් නොසිටි බවත් ඇති වූ අසනීප තත්ත්වක් හේතුවෙන් මෙම පමාව සිදුවී ඇති බවත් පොලීසිය පවසයි.
මේ හේතුවෙන් ඊයේ රාත්‍රියේ රාගම දුම්රිය ස්ථානයේ දැඩි නොසන්සුන්කාරී තත්ත්වයක් ඇති වී ඇත.
මේ අතර ඊයේ සිදුවූ සිද්ධියට විරෝධය පාමින් දුම්රිය රියදුරන් පිරිසක් අද වැඩවර්ජනයක් දියත් කිරීම හේතුවෙන් කාර්යාල දුම්රිය කිහිපයක් අවලංගු කිරීමට සිදුව ඇති බව දුම්රිය සාමාන්‍යාධිකාරී විජය අමරතුංග මහතා පවසයි.