මඩකලපුව කාන්චරම්කුඩා වේකන්ද වෙල්යායේ අත්හැරදමා තිබුණු අත්බෝම්බ 24ක් විශේෂ පොලිස් බලකායේ බෝම්බ නිෂ්ක්‍රිය අංශය මගින් ඊයේ (30) සොයාගෙන එම ප්‍රදේශයේ නිෂ්ක්‍රිය කල බව කොක්කටිච්චෝලයි පොලීසිය පවසයි
කොක්කටිච්චෝලයි පොලිස් වසමේ කන්චරම්කුඩාහි වෙල්යායක් අසල පස්කන්දක වැලි කැනීම් කළ ප්‍රදේශයේ අත්බෝම්බ දුටු ගොවීන් මේ පිළිබඳව පොලීසිය දැනුවත් කර ඇත.
ඉන්අනතුරුව එම ප්‍රදේශයේ අත්හැර දමා තිබුණු අත්බෝම්බ විශේෂ පොලි ස් බලකාය මගින් ඒවා නිෂ්ක්‍රිය කිරිම සදහා අධිකරණ නියෝගය ලබාගෙන එම ප්‍රදේශයේ පස් කැනීම් යන්ත්‍රය මගින් ඊයේ දිවා කාලයේ සෝදිසි මෙහෙයුමේ යෙදී අත්බෝම්බ 24 ක් සොයාගෙන පුපුරන ලදී
පසුගිය කාලයේ කොටෝ පාලනයේ තිබු මෙම ප්‍රදේශය පස් කන්දේ කොටින් විසින් වළලා ඇති බවට සැකකරන අතර මෙම පස් කන්ද පස් කැනීමෙන් පසු වරුසාව නිසා පස් දියයාම නිසා මෙම බෝම්බ මතුවි ඇති බවට පොලීසිය පවසයි
මේ සම්බන්ධව වැඩිදුර පරීක්ෂණ කොක්කටිච්චෝල පොලීසිය පවත්වයි.