එළඹෙන ඔක්තෝබර් මැද වනවිට එක්සත් රාජධානියේ දෛනිකව කොවිඩ් -19 ආසාදිතයින් 50,000ක් පමණ හමුවිය හැකිබවට එරට ප්‍රධාන විද්‍යා උපදේශකවරයා අනතුරු අඟවයි.
ශ්‍රීමත් පැට්‍රික් වැලන්ස් පැවසුවේ ඉන්පසුව දෛනිකව 200 දෙනෙක් පමණ මරණයට පත්වීමට ද ඉඩ ඇති බවය.
මේවන විට එක්සත් රාජධානියේ බොහෝ ප්‍රදේශවල කොවිඩ් ආසාදිතයින්ගේ ඉහළ යෑමක් දක්නට ලැබෙන බව වාර්තා වේ.
තත්ත්වය පාලනය කිරීම සඳහා තවත් පියවර ගත යුතුද යන්න පිළිබඳ ව අගමැති බොරිස් ජොන්සන් අදහස් හුවමාරු කරගනිමින් සිටින බව ද පැවසේ.
එක්සත් රාජධානියෙන් ඊයේ (20)දින කොවිඩ් -19 ආසාදිතයින් 3,899ක් සහ මරණ 18ක් වාර්තා වී තිබේ.