මහින්ද රාජපක්ෂ මහතා සහ ඔහුගේ කැබිනට් මණ්ඩලයට එරෙහිව අධිකරණය හමුවේ කෝ වොරන්ටෝ රිට් නඩුවක් පවරා තිඛෙනවා.
එක්සත් ජාතික පක්ෂ පාර්ලිමේන්තු මන්ත්‍රී අජිත් පී පෙරේරා මහතා අරලියගහ මන්දිරයේ පැවති මාධ්‍ය හමුවකට එක් වෙමින් කියා සිටියේ මන්ත්‍රීවරුන් 122 දෙනෙකු පුද්ගලිකවම මෙම පෙත්සම් ගොණු කර ඇති බවයි.
වර්තමානයේ මෙරට ආණ්ඩුවක් හෝ විපක්ෂයක් නොමැති බවට කථානායකවරයා පාර්ලිමේන්තුවේදී අවධාරණය කලා.
ඒ අනුව මහින්ද රාජපක්ෂ මහතා ඇතුලු කණ්ඩායමක් රජය ලෙස පෙනී සිටිමින් කටයුතු කිරීම මත පදනම්ව මෙම නඩුව පැවරූ බවයි අජිත් පී පෙරේරා මහතා කියා සිටියේ.