අද (02) දින රක්ෂිත බන්ධනාගාර ගත කෙරුණු සෞඛ්‍ය අමාත්‍යාංශයේ අතිරේක ලේකම් සමන් රත්නායක මහතාව අද පස්වරුවේ කොළඹ මැගසින් බන්ධනාගාරය වෙත රැගෙන ගොස් ඇත.
ඉන් අනතුරුව ඔහුව මහර බන්ධනාගාරය වෙත රැගෙනයෑමට නියමිත බවට ද තොරතුරු වාර්තා වෙයි.
ආන්දෝලනාත්මක හියුමන් ඉමියුනෝග්ලොබියුලින් සිද්ධිය සම්බන්ධයෙන් සමන් රත්නායක, ඊයේ (01) අපරාධ පරීක්ෂණ දෙපාර්තමේන්තුවට කැඳවා තිබිණි.
එහිදී ඔහුගෙන් පැය 09කට අධික කාලයක් ප්‍රශ්න කිරීමෙන් අනතුරු ව අපරාධ පරීක්ෂණ දෙපාර්තමේන්තුව මඟින් අත්අඩංගුවට ගත්තේය.
පසුව ඔහු අද මාලිගාකන්ද මහෙස්ත්‍රාත් අධිකරණයට ඉදිරිපත් කර එහිදී රක්ෂිත බන්ධනාගාරගත කිරීමට නියෝග කෙරුණි.