වවුනියාවේ සමන්කුලම බෞද්ධ සිද්ධස්‌ථානය අයත් වන්නේ හින්දු ආගමට බව පවසමින් 7 දා මහ වැසි මැද දෙමළ ජාතික සන්ධානයේ දේශපාලනඥයින් පිරිසක්‌ එම ස්‌ථානය ආක්‍රමණය කොට තිබේ.
මේ පිරිස සමන්කුලම පුද බිම වෙත පැමිණ එහි හින්දු පූජකවරයාට පවසා ඇත්තේ කවරෙකු පැමිණ මේ ස්‌ථානයේ බුදු පිළිමයක්‌ තැබීමට සූදානම් වුවත් ඊට ඉඩ නොතබන ලෙසයි.
කවරෙකු හෝ මේ ස්‌ථානයේ බුදු පිළිමයක්‌ තැබීමට පැමිණෙන්නේ නම් වහාම ඒ බව ඔවුන්ට දැනුම් දෙන ලෙසද දෙමළ ජාතික සන්ධානයේ දේශපාලනඥයින් පිරිස ප්‍රකාශ කොට තිබේ.
සමන්කුලම බෞද්ධ නටබුන් සහිත ස්‌ථානය 1977 සිට පුරා විද්‍යා දෙපාර්තමේන්තුව විසින් තහවුරු කරන ලද පුරාවිද්‍යා වැඩ බිමකි.
මෑතක සිට උතුරේ බෞද්ධ නටබුන් සහිත ස්‌ථාන හින්දු බැතිමතුන්ට අයත් සිද්ධස්‌ථාන බව පවසමින් ඒවා අත්පත් කර ගැනීමට දෙමළ ජාතික සන්ධානයේ ප්‍රාදේශීය දේශපාලනඥයින් පටන්ගෙන තිබේ.
Divaina