ජනාධිපති රනිල් වික්‍රමසිංහ මහතා කැලණිය විශ්ව විද්‍යාලයේ පාලි හා බෞද්ධ අධ්‍යන ආයතනය පවතින ගොඩනැඟිලි පරිශ්‍රය විවෘත කිරීම වෙනුවෙන් සංවිධානය කර තිබූ උත්සවයට සහභාගි වී තිබේ.
ඒ අනුව නව ගොඩනැගිලි පරිශ්‍රය අද (31) පෙරවරුවේ ජනාධිපති රනිල් වික්‍රමසිංහ මහතා විසින් විවෘත කර තිබේ.
එය විවෘත කිරීමට ජනාධිපතිවරයාගේ පැමිණීමට විරෝධය පළ කරමින් කැලණි විශ්ව විද්‍යාලයේ සිසුන් විරෝධතාවයක නිරත විය. පෙරේදා රාත්‍රියේ විරෝධතාව විසුරුවා හැරීමට පොලිසියට ජල හා කදුලු ගෑස් ප්‍රහාර එල්ල කිරීමට සිදුවුණේ ඔවුන් කොළඹ මහනුවර ප්‍රධාන මාර්ගයා අවහිර කරමින් විරෝධතාවයේ නිරත වූ නිසාය.
කෙසේවෙතත් අනතුරුව සිසුන් එම ස්ථානයෙන් විසිර ගියද ඔවුන් සවස් වන තුරුම විශ්වවිද්‍යාල පරිපාලන ගොඩනැගිල්ලකට කිසිවෙකුටවත් ඇතුළු වීමට ඉඩ ලබානොදී විරෝධතාවක නිරතව සිටියේය.