සැප්තැම්බර් 03 දා පැවැත්වෙන ශ්‍රී ලංකා නිදහස් පක්ෂයේ 66 වන සංවත්සරයට සුබ පතමින් ජනාධිපති මෛත්‍රීපාල සිරිසේන මහතාගේ රුව රැගත් දැවැන්ත ප්‍රමාණයේ කටවුට්, දැන්වීම්, පෝස්ටර් කොළඹ දිස්ත්‍රික්කය පුරා තැන තැන ප්‍රදර්ශනය කර තිබේ.
මේ සියලු කටවුට් සදහා පොලීතීන් සංයෝගයකින් නිෂ්පාදනය කරන ලද ද්‍රව්‍ය භාවිත කර ඇති අතර නොදිරන කසල අති විශාල ප්රමාණයක් එකතු වීමට නියමිතය.
කෙසේ වෙතත් පසුගිය ජනාධිපතිවරණයේදී එවක ජනාධිපති අපේක්ෂක මෛත්‍රීපාල සිරිසේන මහතා මෙවැනි කාර්යයන් තරයේ ප්‍රතික්ෂේප කළ අතර, හිටපු ජනාධිපති මහින්ද රාජපක්ෂ මහතා වෙනුවෙන් මේ ආකාරයේ කටවුට් දැන්වීම් ප්‍රදර්ශනය කිරීම දැඩි විවේචනයට ලක්විය.
අද (01) දිනයේ සිට පොලිතීන් භාවිතා කිරීම තහනම් කිරීමට රජය ප්‍රතිපත්තිමය තීරණයක් ගෙන තිබියදී, රජයේ දේශපාලකයන් විසින්ම එම ප්‍රතිපත්තිය උල්ලංඝනය කිරීම පිළිබදව සමාජ ජාලවලද දැඩි විවේචන එල්ල වී තිබේ.
[fbvideo link=”https://www.facebook.com/ada.daily/videos/1369283366453666/” width=”580″ height=”400″ onlyvideo=”1″]