ගලගොඩඅත්තේ ඥානසාර හිමිට සිර දඬුවමක් නියම වීම පිළිබඳව අතිශයින් කණගාටු වෙන බවත් උන්වහන්සේ මේ රටේ ඒකීය භාවය සුරැකීම, අනෙක් අතින් උන් වහන්සේට උරුමවූ මේ රටේ භික්ෂුන් වහන්සේලා විසින් සිදුකල යුතු කාර්යභාරයක් තමයි ශක්තිමත්ව කරගෙන ගියේ. යම් අවස්ථාවල උද්ගේකර බවක් පෙනුන නමුත් එය උන්වහන්සේගේ සහජ ස්වරුපයක් විය හැකි බවට විශ්වාසය කරන බව අස්ගිරි අනුනායක, ඇත්කඳ රාජමහා විහාරාධිපති ආණමඩුවේ ධම්මදස්සි ස්වාමින් වහන්සේ සඳහන් කර සිටිනවා.
අද බොදු බල සේනා සංවිධානයේ නියෝජිත පිරිසක් උන්වහන්සේ බැහැ දැකීම සඳහා මහ නුවරට පැමිණි අවස්ථාවේදී වැඩිදුරටත් අදහස් දක්වමින් සඳහන් කර සිටියේ,
“උන්වහන්සේට අදිකරණයෙන් ලබා දුන් දඬුවම පිළිබඳව කතා නොකර නමුත් උන්වහන්සේට දුන් දඬුවම ලිහිල් කරනවානම් ජනාධිපතිවරයා ඇගයීමකට ලක් කරන බවත් උන් වහන්සේගේ චීවරය ඉවත් කරන්නේනම් ඒ පිළිබඳව නිකාය මුලස්ථානවලින් හෝ අදාළ පාර්ශවයේ මහනායක හිමිවරුන්ගෙන් අවසරයක් ගත්තනම් හොඳ බව මෙහිදී අදහස් දැක්වූ අනු නායක හිමි අවධාරණය කර සිටියා.”
