පසුගිය ආණ්ඩුව ශිෂ්‍යන්ට පහර දෙන වීඩියෝ පෙන්වමින් බලය ආ යහපාලන ආණ්ඩුව යටතේද ශිෂ්‍යයන්ට පන්නා පන්නා පහරදෙන බව අන්තර් විශ්ව විද්‍යාල ශිෂ්‍ය බල මණ්ඩලය පවසනවා. එහි කැදවුම්කරු ලහිරු වීරසේකර මේ බව පැවසූවේ අන්තර් උසස් ජාතික ගනකාධිකරණ ඩිප්ලෝමා සිසුන් සහ අන්තර් විශ්ව විද්‍යාල ශිෂ්‍ය බල මණ්ඩලය සංවිධානය කර තිබූ විරෝධතාවය අතරතුර එල්ල වූ පොලිස් පහරදීමට පසුවයි.
[mom_video type=”youtube” id=”VIeoGCFlBn0″]
අද පෙරවරුවේ උසස් අධ්‍යාපන අමාත්‍යවරයා සමග සාකච්ඡාවක් සූදානම් කර තිබූ අතර ශිෂ්‍යන් මගහැර ඇමතිවරයා මග නැගුමට අධීක්ෂණය ගොස් ඇති බවත් උසස් අධ්‍යාපන අමාත්‍යාංශය අසලින් ඉවත් නොවුණහොත් “කුඩු වෙන්න ගහන“ බව පොලීසිය තර්ජණය කළ බවත් ඔවුන් පවසනවා. පසුව ජල ප්‍රහාර එල්ල කරමින් සිසුන්ට පන්නා පන්නා පහර දුන් බවත් මේ වන විට පොලිසිය මගින් අත්අඩංගුවට ගත් සිසුන් පිළිබදව තොරතුරක් නැති බවත් ඔවුන් පවසනවා.
පසුගිය ආණ්ඩුව සේම යහපාලන හවුල් ආණ්ඩුවත් ශිෂ්‍ය මර්ධනය ආරම්භ කර ඇති බවත් අත්අඩංගුවට ගත යුත්තේ මේ රටේ නිදහස් අධ්‍යාපනය වෙනුවෙන් පෙනී සිටින් තමන් නොව, අධ්‍යාපනය විකිණීමට උත්සහා දරණ දේශපාලන නායකයින් යැයි ද ඔවුන් පවසනවා.